金像獎2024丨《毒舌大狀》奪最佳電影　導演吳煒倫：上下一心比得獎更重要

黃子華主演《毒舌大狀》奪第42屆金像獎最佳電影。團隊齊上台接受殊榮，老闆江志強在致詞時團隊先感謝金像獎評委，說：「第二個要多謝嘅係香港觀眾，多謝你哋，冇你哋嘅支持，我哋今晚唔會企喺度，尤其是睇過兩次嘅人，多謝你。」

他又特別感謝男主角黃子華，說：「第三個要多謝嘅，就係子華神，帶領我哋一班好精采好優秀嘅演員，好努力帶畀大家好精采嘅演出。第四，多謝阿Jack吳煒倫導演，帶領我哋全班幕後拍出一部咁精采嘅電影。」

金像獎2024丨卓亦謙奪金像獎新晉導演獎　曾歷好友輕生：無法抹去的傷痕

▲ 電影老闆江志強。（陳慧安 攝）

金像獎2024丨吳煒倫：台前幕後上下一心

導演吳煒倫在台上說：「多謝金像獎，多謝所有投票畀《毒舌大狀》嘅朋友，亦都多謝所有買飛入場嘅香港觀眾，多謝晒。」

然後續稱：「呢部電影我拍得最開心嘅係，我感受到台前幕後，而家企喺台上面嘅工作人員、crew、演員，我感受到台前幕後上下一心去拍呢部電影，呢件事比攞獎更加重要。」

▲ 導演吳煒倫發表得獎感言。（陳慧安 攝）

金像獎2024丨黃子華：演員只是綠葉

身為男主角黃子華在台上發表得獎感言時有點激動，有點哽咽表示︰「我頭先一直喺最佳男主角嗰個獎嘅時候諗，如果我有機會上台講，我一直都講，牡丹雖好，需要綠葉扶持，我哋演員只係綠葉，最重要係創作嘅導演，我睇住我睇住Jack（吳煒倫）係每一個字，每一個字每一句都同法律顧問斟酌去摷出嚟。由頭到尾我哋一個獎都冇，如果今晚我攞到獎，我將個獎送畀你，但而家更好結果出咗，多謝大家。」

導演吳煒倫感謝觀眾入場支持，稱：「我感受到台前幕後上下一心去拍呢部電影，呢件事比攞獎更加重要。我希望越嚟越艱難地拍港產片嘅時候，每一部戲，以後每一部電影，每一個電影人，大家都係上下一心，去做好大家手頭上嗰部電影，多謝。」

▲ 黃子華。（陳慧安 攝）